Cambodian Voter's Voice

មានការផ្ញើសារគំរាមប្រធានស្ដីទីបក្ស CNRP

2016-10-10 15:10:00 4670 Views

លោកនាយករដ្ឋមន្ត្រីត្រូវបានឲ្យដឹងថាកាលពីសប្តាហ៍មុនបានផ្ញើសារផ្ទាល់ពីរទៅប្រធានស្តីទីនៃគណបក្សសង្គ្រោះជាតិលោក កឹម សុខា ដោយគំរាមនឹងមាន «ការបង្ហូរឈាម» ប្រសិនបើបាតុកម្មនៅប្រទេសអូស្រ្តាលីធ្វើឲ្យប៉ះពាល់ដល់កូនប្រុសច្បងរបស់លោកដោយសំដៅទៅការវាយប្រហារលើតំណាងរាស្រ្តគណបក្សប្រឆាំង ២ រូបកាលពីឆ្នាំមុនដោយកងទ័ពពីកងអង្គរក្សរបស់លោកនាយករដ្ឋមន្រ្តី។ នេះបើតាមសមាជិកគណបក្សប្រឆាំងបានឲ្យដឹងកាលពីម្សិលមិញ។

ខ្លឹមសារនៃសារដែលត្រូវបានបញ្ជាក់ដោយតំណាងរាស្រ្តគណបក្សសង្គ្រោះជាតិត្រូវបានផ្ញើតាម WhatsApp កាលសប្តាហ៍មុននៅពេលកូនប្រុសច្បងលោក ហ៊ុន សែន គឺលោក ហ៊ុន ម៉ាណែត ប្រធាននាយកដ្ឋានប្រឆាំងភេរវកម្មរបស់ក្រសួងការពារជាតិ និងជាមេបញ្ជាការរងនៃកងអង្គរក្សបានរៀបចំទៅជួបជាមួយអ្នកគាំទ្រនៅទីក្រុងមែលប៊នប្រទេសអូស្ត្រាលី។ប្រភពភ្នំពេញប៉ុស្ដិ៍