លោកនាយករដ្ឋមន្ត្រី ហ៊ុន សែន អះអាងថា វៀតណាមបានចូលមកនៅកម្ពុជាយូរមកហើយ ដោយសារតែបារាំងនាំមក ហើយលោកថា លោកជាអ្នករងនូវការតិះទៀននៃវត្តមានរបស់វៀតណាមក្នុងប្រទេសនេះ។ក្នុងការបើកសម្ពោធការដ្ឋានសាងសង់ផ្លូវនៅក្នុងខេត្តត្បូងឃ្មុំនៅព្រឹកថ្ងៃពុធនេះ លោកនាយករដ្ឋមន្ត្រី ហ៊ុន សែន មានប្រសាសន៍ថា បញ្ហាវៀតណាមនៅកម្ពុជា គឺមានតាំងពីសម័យបារាំងនៅធ្វើអាណានិគមមកម្លេះ គឺដោយសារបារាំងជាអ្នកនាំមក។ លោកបន្ថែមទៀតថា វៀតណាមមាននៅក្នុងស្រុក ចំពោះអ្នកមិនទទួលស្គាល់ប្រវត្តិសាស្ត្រ គឺតែងតែបន្ទោសលោក។ប្រភពVOD