Cambodian Voter's Voice

លោកនាយករដ្ឋមន្រ្តីឲ្យសារព័ត៌មាននៅកម្ពុជា ផ្សាយសម្ដីលោកសម រង្ស៊ី ឡើងវិញ ដែលថាត្រាំចាញ់ឆ្នោត

2016-12-05 15:35:00 4627 Views

(ភ្នំពេញ) ៖ លោក ហ៊ុន សែន នាយរដ្ឋមន្ដ្រីនៃកម្ពុជា នៅព្រឹកថ្ងៃទី៥ ខែធ្នូ ឆ្នាំ២០១៦នេះ បានថ្លែងបញ្ជាឲ្យសារព័ត៌មាននៅក្នុងប្រទេសកម្ពុជា ត្រូវចេញផ្សាយសំដី របស់ឯកឧត្តម សម រង្ស៊ី ប្រធានគណបក្សសង្គ្រោះជាតិ (CNRP) ដែលថាលោក ដូណាល់ ត្រាំ ចាញ់ឆ្នោត ជាប្រធានាធិបតីអាមេរិកទី៤៥។
លោក ហ៊ុន សែន បានមានប្រសាសន៍ ក្នុងពិធីសម្ពោធ ដាក់ឲ្យដំណើរការជាផ្លូវការ រោងចក្រផលិតភេសជ្ជៈកម្ពុជា កូកាកូឡា នៅតំបន់សេដ្ឋកិច្ចពិសេសភ្នំពេញថា “ក៏ប៉ុន្ដែទីបំផុត ខ្ញុំថាដូណាល់ត្រាំ ឈ្នះគឺឈ្នះហើយ បើឯកឧត្តម (ទូតអាមេរិក) ចង់រៀនគន្លឹះ ថាដូណាល់ត្រាំ ឈ្នះខ្ញុំនឹងប្រាប់ឯកឧត្តម។ ៩៩ភាគរយត្រាំឈ្នះហើយ។ ក៏ប៉ុន្ដៃមានមនុស្សមួយចំនួនថា ហ៊ីឡារី គ្លីនតុនឈ្នះដោយបាននិយាយប្រាប់ ខេមបូឌាដេលី ហើយយកខេម បូឌាដេលី មកផ្សាយឡើងវិញ ផ្សាយគ្រប់ទំព័រសារព័ត៌មាន ដែលនិយាយជាភាសាខ្មែរ”។

ប្រភពរស្មីកម្ពុជា