ក្រោយពី ការបង្ហោះចែកចាយ នូវវីដេអូ ដែលមានខ្លឹមសា ជាពាក្យសំដី របស់អតីតប្រធានគណបក្សប្រឆាំង ទណ្ឌិត សម រង្សី បានញុះញង់ កងកម្លាំងប្រដាប់អាវុធ ឲ្យបែរកាណុង ប្រឆាំងរាជរដ្ឋាភិបាលស្របច្បាប់ កងពលតូចលេខ៧០ ដែលមាន លោកឧត្តមសេនីយ៍ឯក ម៉ៅ សុផាន់ មេបញ្ជាការ ព្រមទាំងមេបញ្ជាការរង នាយទាហាន នាយទាហានរង និង ពលទាហានទាំងអស់ នៃកងពលតូចលេខ៧០ សូមប្រឆាំងដាច់ខាត នូវសម្តីរបស់ ទណ្ឌិត សម រង្ស៊ី ឬជនណាដែលប៉ុនប៉ង ញុះញង់ឲ្យកងកម្លាំងប្រដាប់ អាវុធ បែរចុងកាណុង ផ្តួលរំលំរាជរដ្ឋាភិបាលស្របច្បាប់ ។ ឧត្តមសេនីយ៍ឯក ម៉ៅ សុផាន់ បានឲ្យដឹងថា “ខ្ញុំសូមចាត់ទុកសម្តីញុះញង់បែបនេះ ថាជាសម្តីក្បត់ជាតិទាំងស្រុង ដែលមិនអាច លើកលែងបាន និងត្រូវតែថ្កោលទោស ឲ្យធ្ងន់បន្ថែមទៀត បើទោះបីជាសម្តីនេះ បានធ្វើ កាលពីឆ្នាំ២០១១នោះក្តី” ។
ប្រភព៖សារព័ត៌មានដើមអម្ពិល