មន្រ្តីរាជរដ្ឋាភិបាល និងជាអ្នកនាំពាក្យ ទីស្ដីការគណៈរដ្ឋមន្ដ្រី លោក ផៃ ស៊ីផាន បានអះអាងថា សហរដ្ឋអាមេរិកប៉ុនប៉ង ដាក់ទណ្ឌកម្មលើសេដ្ឋកិច្ចកម្ពុជា គ្រាន់តែស្រមើលស្រម៉ៃនៅឡើយ។លោក ផៃ ស៊ីផាន បានប្រាប់ក្រុមអ្នកសារព័ត៌មាន ក្រោយពីបញ្ចប់សន្និសីទសារព័ត៌មាន ស្តីអំពី ផលបច្ច័យ នៃការនិរទេសជនភៀសខ្លួនកម្ពុជា ដែលមានសិទ្ធិស្របច្បាប់ រស់នៅសហរដ្ឋអាមេរិក មកកាន់កម្ពុជាវិញ នៅថ្ងៃទី២៦ ខែតុលា ឆ្នាំ២០១៧ ថា គោលនយោបាយថ្មី កម្ពុជា-អាមេរិក មានលក្ខណៈខុសគ្នា បើធៀបទៅនឹងឆ្នាំ១៩៧០។លោកបានមានប្រសាសន៍ថា អាមេរិកគ្រាន់តែជាដៃគូពិភាក្សា និងជាដៃគូសេដ្ឋកិច្ច ជាមួយតំបន់អាស៊ាន ក៏ដូចជាមួយកម្ពុជា ។
ប្រភព៖សារព័ត៌មានដើមអម្ពិល