ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានថ្លែងឲ្យដឹងថា ប្រសិន បើមជ្ឈមណ្ឌលសិទ្ធមនុស្ស កម្ពុជា (CCHR) មិនបានធ្វើខុសអ្វីពីច្បាប់បានកំណត់ទេ នឹងដំណើរការជាធម្មតានៅបន្តទៀត។ការថ្លែងរបស់លោកប្រធានបែបនេះ បន្ទាប់ពីលោក ហ៊ុន សែន នាយករដ្ឋមន្រ្តីកម្ពុជា បានបញ្ជាឲ្យលោកស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ពិនិត្យមើល ដើម្បីបិទចោលមជ្ឈមណ្ឌលសិទ្ធិមនុស្សមួយនេះ ព្រោះអ្នកបង្កើតគឺជាជនបរទេស ហើយ លោក កឹម សុខា អតីតប្រធានគណបក្សសង្រ្គោះជាតិ ដែលកំពុងជាប់ពន្ធនាគារ ដោយសារ ពាក់ព័ន្ធអំពើក្បត់ជាតិ ធ្វើជាប្រធានគ្រប់គ្រងកាលពីឆ្នាំ២០១២។
ប្រភព៖សារព័ត៌មានដើមអំម្ពិល